کراچی:پاکستان اوربنگلادیش کے درمیان براہ راست تجارتی تعلقات کا آغاز ہوگیا۔ذرائع ٹریڈنگ کارپوریشن آف پاکستان (ٹی سی پی)کے مطابق پاکستان سے 26ہزار ٹن چاول کی کھیپ جمعہ کو بنگلا دیش روانہ کردی گئی۔
اری چاول کی کھیپ ٹریڈنگ کارپوریشن آف پاکستان کے ذریعے ایکسپورٹ کی جارہی ہے۔ٹی سی پی نے انٹرنیشنل ٹینڈر کے ذریعے چاول کے سپلائرز کا انتخاب کیا تھا۔ بنگلا دیش نے پاکستان سے 50ہزار ٹن چاول کی خریداری کا حکومتی سطح پر معاہدہ کیا تھا۔
اگلی شپمنٹ بھی رواں ماہ روانہ کی جائے گی۔سقوط ڈھاکہ کے بعد پاکستان سے سرکاری سطح پربنگلا دیش جانے والی یہ پہلی تجارتی کھیپ ہے۔ بنگلا دیش کو چاول کی کھیپ پاکستان نیشنل شپنگ کارپوریشن کے مال بردار جہاز ایم وی سبی سے کی جائے گی۔
پی این ایس سی کا کوئی جہاز سرکاری کارگو لے کر پہلی مرتبہ بنگلا دیش کی بندرگاہ پر لنگر انداز ہوگا۔
