روسی صدر پیوٹن نے کہا ہے کہ وہ سعودی ولی عہد محمد بن سلمان کا ذاتی طور پر شکریہ ادا کریں گے۔
عرب میڈیا کے مطابق ماسکو اور واشنگٹن کے درمیان ریاض مذاکرات کے نتیجے میں ہونے والے سیاسی تعامل کے تناظر میں روسی صدر ولادیمیرپوتین نے امریکا کے ساتھ مذاکرات کے لیے اچھا ماحول پیدا کرنے پر سعودی قیادت کا شکریہ ادا کرتے ہوئے کہا کہ وہ سعودی ولی عہد محمد بن سلمان کو فون کریں گے ، تاکہ وہ مذاکرات میں ریاض کے کردار پر ذاتی طور پر ان کا شکریہ ادا کریں۔
روسی صدر پوتین نے مزید کہا کہ ریاض میں امریکا کے ساتھ ہماری بات چیت کے مثبت نتائج سامنے آئے ہیں۔
انہوں نے کہا وہ آنے والے دنوں میں شہزادہ محمد بن سلمان سے بات کرنے کا ارادہ رکھتے ہیں۔ ساتھ ہی انہوں نے توانائی کے معاملے پر روس، امریکا سعودی مذاکرات کی ضرورت کی طرف بھی اشارہ کیا۔
بھارت کی آبی دہشت گردی ،بنگلادیش کے دریائوں کا پانی بھی روک لیا
روسی وزارت خارجہ کی ترجمان ماریا زاخارووا کے مطابق ماسکو کا خیال ہے کہ سعودی عرب نے مذاکرات کے لیے ایک پناہ گاہ فراہم کی ہے۔ روسی،امریکی مذاکرات سابق امریکی انتظامیہ کی طرف سے پیدا کیے گئے عالمی مسائل کے حل کا آغاز ہیں۔
