ڈھاکہ:مودی سرکار نے دریائوں کا پانی روک لیا، بنگلہ دیش میں احتجاج۔بنگلا دیش اور بھارت کے مابین 54 دریا بہتے ہیں ۔
بھارتی ٹی وی کے مطابق بارشیں نہ ہونے پرمودی سرکار نے پھر بیشتر ڈیموں میں پانی روک لیا جس پر بنگلہ دیش میں لاکھوں کسان بھارت مخالف احتجاجی مظاہرے کر رہے۔
بھارت سے آتا صرف تیستا دریا بنگلا دیش میں سوا لاکھ ہیکٹر زرعی رقبہ سیراب کرتا۔ بنگلہ دیش چین کے مالی تعاون سے زرعی دوست تیستا پروجیکٹ بنانا چاہتا مگر مودی حکومت اسے سیکورٹی خطرہ قرار دے کر رکاوٹیں ڈال رہی ہے۔
مظاہرین سے خطاب کرتے بی این پی کے سیکٹری جنرل مرزا فخرالسلام نے کہا کہ بھارت دریاؤں پر ڈیم بنا کر بجلی بنا رہا اور ہمارے کسان اور مچھیرے مر رہے۔انہوں نے مزید کہا کہ مودی سرکار نے مفرور فاشسٹ حسینہ واجد کو بھی محل میں رکھا جہاں سے وہ شاہی احکام جاری کرتی ہے، اگر بھارت بنگلا دیش کا دوست ہے تو وہ آمرانہ روش چھوڑ دے۔ پانی تقسیم کا مسئلہ گمبھیر ہوتا جا رہا ہے۔
