مکہ مکرمہ:سعودی وزارت حج وعمرہ نے کہا ہے کہ 104ممالک کے لیے نسک پلیٹ فارم کے ذریعے ڈائریکٹ حج پیکیجز کی رجسٹریشن کا آغاز اتوار سے کیا جا رہا ہے۔
عرب ٹی وی کے مطابق وزارت حج وعمرہ کی جانب سے 104ممالک کے شہریوں کے لیے نسک پلیٹ فارم کے ذریعے براہ راست حج پیکجز بک کرنے کی سہولت فراہم کی ہے۔ پہلی مرتبہ حج کی درخواست دینے والوں کو ترجیح دی جائے گی۔
وزارت کا کہنا تھا کہ جو ممالک اس کیٹگری میں شامل ہیں ان سے آنے والے عازمین کو حج پیکیج میں تمام خدمات فراہم کی جاتی ہیں جن میں فلائٹ بکنگ کے علاوہ دیگر تمام سروسز شامل ہیں۔
براہ راست حج پیکیج کی بکنگ کرانے والوں کو اپنی مرضی کے مطابق فلائٹ کا انتخاب کرنے کا اختیار ہوگا علاوہ ازیں وہ اپنے اہل خانہ کے لیے بھی پیکیج حاصل کرسکتے ہیں۔
