نئی دہلی(اسلام ڈیجیٹل)بھارتی بحریہ کا ہرمس 900ڈرون تجرباتی پرواز کے دوران تباہ ہوگیا۔ذرائع کے مطابق بھارتی بحریہ میں شامل کئے جانے والا ہرمس900ڈرون کی تجرباتی پروازگجرات کے پوربندرمیں کی جارہی تھی یہ ڈرون بھارتی فوج اور بحریہ کی خفیہ نگرانی وجاسوسی کی صلاحیتوں کو بڑھانے کیلئے خریدا گیا تھا۔
ہرمس 900ڈرون اڈانی ڈیفنس اینڈائیرواسپیس اوراسرائیلی ڈیفنس فرم ایلبٹ سسٹمز کے تعاون سے تیارکیا گیا ہے۔ ہرمس 900ڈرون کی قیمت تقریباً145کروڑ بھارتی روپے بتائی گئی ہے۔مودی سرکار کا غیر معیاری منصوبوں پر اربوں ڈالر خرچ کرنا مضحکہ خیز عمل بن چکا ہے۔ رواں سال بھارتی کوسٹ گارڈکے ”دھروہیلی کاپٹرز”حادثات کے بعد گراؤنڈکر دیے گئے جبکہ ستمبر 2024ء میں بھارتی بحریہ کی آبدوز آئی این ایس اریگھاٹ تکنیکی خرابی کے باعث حادثے کا شکاور ہو گئی جسے بحری بیڑے سے دستبردارکردیا گیا۔
جولائی 2024ء میں بھی بھارتی بحریہ کے جنگی جہاز آئی این ایس برہم پترا میں آگ بھڑک اٹھی تھی۔سال 2019ء میں میں بھارتی بحریہ کا جنگی ہیلی کاپٹر سمندر میں گر کر تباہ ہوگیا تھا اور مارچ 2018ء میں بھی بھارتی بحریہ کا ریموٹ سے چلنے والا ڈرون پرواز کے فوراً بعد پور بندر کے علاقے الہاس نگر میں تباہ ہوا۔
ٍ بھارتی بحریہ میں تقریباً14آبدوزیں ہیں لیکن تکنیکی خرابیوں کے باعث صرف7آپریشنل ہیں۔ بھارت جنگی جنون کو پروان چڑھاتے ہوئے جدید ہتھیاروں کے انبار لگارہا ہے مگران ہتھیاروں کو سنبھالنے اور استعمال کرنے کی صلاحیت سے عاری ہے۔ آئے روز بھارتی افواج میں حادثات بھارتی مسلح افواج کی نااہلی کا منہ بولتا ثبوت ہیں۔
