اسلام آباد(اسلام ڈیجیٹل) فافن (فریڈم نیٹ ورک) کی حالیہ رپورٹ میں بتایا گیا ہے کہ اکثروفاقی وزارتوں نے معلومات تک رسائی کے قانون (آرٹی آئی) پر عملدرآمد نہیں کیا، جس کے نتیجے میں عوامی اہمیت کی معلومات کے اجرا کا قانونی تقاضا پورا نہیں ہو سکا۔
فافن کے مطابق قانونی تقاضے پورے نہ ہونے سے غلط معلومات پھیلنے کا باعث بن رہے ہیں۔ رپورٹ میں 33 وزارتوں کی 44 ڈویژنز کا جائزہ لیا گیا، جس میں کسی بھی ڈویژن نے قانون کی دفعہ 5 پر عملدرآمد نہیں کیا۔
:یہ بھی پڑھیے
فوجی عدالتوں کا کیس، آئینی بینچ میں آج کیا ہوا؟ کس جج نے کیا کہا؟
رپورٹ کے مطابق غربت کے خاتمے اور سماجی تحفظ ڈویژن: سب سے کم 8 فیصد، شق 19 پر 15 فیصد، اطلاعات اور صحت سمیت 19 فیصد عمل درآمد کیا۔
علاوہ ازیں رپورٹ کے مطابق بتایا گیا کہ کیبنٹ اور بین الصوبائی ڈویژن میں 42 فیصد، پٹرولیم، ریونیو اور داخلہ: 6 ڈویژن میں 38 فیصد عملدرآمد کیا گیا۔یہ رپورٹ اس بات کی عکاسی کرتی ہے کہ وفاقی وزارتوں میں معلومات تک رسائی کے قانون پر عملدرآمد کی صورتحال انتہائی ناقص ہے، جس کے نتیجے میں عوام میں بے بنیاد معلومات کا پھیلاؤ ہو رہا ہے۔
