خصوصی عدالت نے 26نومبر احتجاج کے مزید 40ملزمان کی ضمانتیں منظور کرلیں

اسلام آباد(اسلام ڈیجیٹل)انسداد دہشت گردی عدالت اسلام آباد نے 26نومبر کے احتجاج پر درج مقدمات میں مزید 40ملزمان کی ضمانتیں منظور کر لیں۔انسداد دہشت گردی عدالت کے جج ابو الحسنات محمد ذوالقرنین نے ضمانتیں منظور کیں۔عدالت نے پانچ پانچ ہزار روپے مچلکوں کے عوض ضمانتیں منظور کیں اور ملزمان کی رہائی کا حکم بھی جاری کر دیا۔دوران سماعت پی ٹی آئی کارکنان کی جانب سے وکلا سردار مصروف ، انصر کیانی ، آمنہ علی ، مرزا عاصم بیگ ، مرتضی طوری عدالت پیش ہوئے۔