بشریٰ بی بی کی سیاسی امور کے بعد قانونی معاملات میں بھی مداخلت

اسلام آباد(اسلام ڈیجیٹل)بانی پی ٹی آئی کی اہلیہ بشریٰ بی بی کی پارٹی کے سیاسی امور کے بعد قانونی معاملات میں بھی مداخلت جاری ہے۔ذرائع کے مطابق وکلا اور انصاف لائرز فورم کی ٹیموں کو تبدیل کر دیا گیا ہے۔بشریٰ بی بی نے قاضی انور کے ذریعے ملک بھر کے وکلا کی فہرست منگوا لی ہے۔قاضی انور اور مشعال یوسفزئی بشریٰ بی بی کو وکلا کے معاملات پر رپورٹ کریں گے۔بشریٰ بی بی نے قاضی انور کو کیسز پرحتمی مشاورت کا پابند بھی کر دیا ہے۔ذرائع کا کہنا ہے کہ بشریٰ بی بی نے وکلا کو بانی پی ٹی آئی تک پیغام رسانی سے روک دیا ہے، اس ہفتے خیبر پختونخوا کے وکلا عہدے داروں کی تبدیلیوں پر حتمی مشاورت بشریٰ بی بی سے کی گئی۔بشریٰ بی بی نے وکلا کے تنازعات حل کیے اور بانی پی ٹی آئی کو اس حوالے سے آگاہ کیا ہے۔قاضی انور نے وکلا قیادت کی خرابیوں اور مسائل پر بشریٰ بی بی کو بریف کیا تھا۔