اسلام آباد: با صلاحیت پاکستانی طلبا نے ہارورڈ ماڈل یونائیٹڈ نیشنز چائنا میں شاندار کامیابی حاصل کرکے پاکستان کا نام روشن کر دیا۔سیڈار کالج اینڈ اسکول نے 70 سے زائد وفود کے درمیان نمایاں بہترین مختصر وفد کا اعزاز حاصل کیا۔پاکستانی طلبا نے تین بہترین مندوب اور دو نمایاں سفارتی کارکردگی کے اعزازات سمیت مجموعی طور پر پانچ انفرادی اعزازات حاصل کیے۔ ٹیم میں شامل دیگر ارکان نوین راج، محمد احمد حسین اور ملیحہ علی نے بہترین مندوب کے اعزازات اپنے نام کرلیے۔
پاکستانی طالبات سلیقہ مرتضی اور علیشبا وزیر کو بہترین سفارت کار کے اعزاز سے نوازا گیا۔ پاکستانی طلبا نے عالمی مسائل پر گفتگو کے دوران بہترین سفارت کاری، قیادت اور تنقیدی سوچ کی صلاحیتوں کا مظاہرہ کیا۔بیکن ہاؤس اسکول لاہور کے طالبعلم حسام معظم نے بھی پاکستان کی بھرپور نمائندگی کرتے ہوئے باوقار آنریبل مینشن ایوارڈ حاصل کیا۔ پاکستانی طالبعلم حسام معظم کی بہترین تقریری صلاحیتوں، اعتماد اور غیر معمولی سفارتی مہارت نے انہیں عالمی سطح پر نمایاں مقام دلایا۔
پاکستانی طلبا کی عالمی کامیابی نے ثابت کر دیا کہ پاکستانی نوجوان صلاحیت اور اعتماد میں کسی سے کم نہیں۔
