دبئی:اماراتی محکمہ موسمیات نے متحدہ عرب امارات سمیت مشرق وسطیٰ میں شدید گرمی کی نئی لہر کی پیشگوئی کردی۔
اماراتی محکمہ موسمیات کے مطابق آئندہ چند روز میں درجہ حرارت 50 ڈگری سینٹی گریڈ کے قریب پہنچ سکتا ہے۔محکمہ موسمیات کے مطابق شدید گرمی کی نئی لہر سے عراق، کویت، مشرقی سعودی عرب اور امارات کے صحرائی علاقے زیادہ متاثر ہوں گے۔
فجیرہ سمیت امارات کے بعض مشرقی اور جنوبی علاقوں میں جمعرات تک بارش کا امکان بھی ہے جب کہ تیز ہوائوں اور گرد آلود موسم کا الرٹ بھی جاری کیا گیا ہے۔اماراتی محکمہ موسمیات نے مزید بتایا کہ ابوظبی کے علاقے الشوامخ میں درجہ حرارت پہلے ہی50ڈگری سے تجاوز کر چکا ہے جب کہ کویت میں48ڈگری سینٹی گریڈ تک گرمی کی پیشگوئی کی گئی ہے۔
