شیخ الاسلام مفتی محمد تقی عثمانی کی ایران امریکا جنگ بندی پر پاکستانی قیادت کے کردار کی تعریف، سعودی عرب کے تحمل کو بھی سراہا۔
معروف عالم دین مفتی محمد تقی عثمانی نے ایران اور امریکا کے درمیان جنگ بندی کو وقت کی سب سے اہم پیش رفت قرار دیتے ہوئے پاکستانی قیادت کی سفارتی کوششوں کو قابلِ تحسین قرار دیا ہے۔
اپنے سوشل میڈیا پیغام میں انہوں نے کہا کہ وزیر اعظم شہباز شریف، نائب وزیر اعظم اسحاق ڈار اور فیلڈ مارشل سید عاصم منیر نے نازک موقع پر مؤثر سفارتی کردار ادا کیا، جو ملک کے لیے باعثِ فخر اور اعزاز ہے۔
ایران امریکہ کے درمیان جنگ بندی وقت کی سب سے بڑی اور اھم خبر ہے وزیراعظم شہباز شریف انکے نائب اسحاق ڈار اور فیلڈ مارشل عاصم منیر نے اس انتہائی نازک موقع پر جو سفارتی کوششیں کیں وہ نہایت قابل مبارکباد اور ملک کے لئے فخرو اعزاز کی بات ھیں آخری دن ایران کا سعودی عرب پر حملہ بلاجواز…
— Muhammad Taqi Usmani (Official) (@muftitaqiusmani) April 8, 2026
انہوں نے مزید کہا کہ آخری دن ایران کی جانب سے سعودی عرب پر حملہ بلاجواز تھا، تاہم سعودی عرب نے پورے عرصے میں جس صبر و تحمل کا مظاہرہ کیا وہ قابلِ قدر ہے۔ ان کے مطابق یہی برداشت اور ایثار جنگ بندی کی راہ ہموار کرنے میں اہم ثابت ہوا۔
مفتی تقی عثمانی نے اپنے پیغام میں امید ظاہر کی کہ خطے میں کشیدگی کے خاتمے کے لیے سفارتی کوششیں آئندہ بھی اسی طرح جاری رہیں گی اور مسلم دنیا میں اتحاد کو فروغ ملے گا۔
