اسلام آباد:وزیردفاع خواجہ آصف نے کہا ہے کہ اسرائیلی وزیر اعظم نیتن یاہو کی معافی کی درخواست احتساب سے بچنے کی مایوس کن کوشش کے سوا کچھ نہیں۔
اسرائیلی وزیراعظم کو فلسطین میں مظالم پر ساتھیوں سمیت جوابدہ ہونا پڑے گا۔ایک بیان میں انہوں نے کہا کہ فلسطین میں اسرائیلی مظالم کو کس طرح بھول سکتے ہیں،عالمی برادری کو معافی سے متعلق درخواست پر سخت موقف اختیار کرناہوگا۔
اسرائیلی وزیراعظم کو معافی دینا ایک دھوکے کے مترادف ہوگا،نیتن یاہو اور اس کے حامیوں کو معاف کردینا اخلاقی اور قانونی انصاف کی ناکامی ہوگی۔
