برطانوی میڈیا کا کہناہے کہ کلاؤڈ فیئر میں تکنیکی خرابی کے باعث مختلف ویب سائٹس، چیٹ جی پی ٹی اور ایکس سمیت متعدد سوشل میڈیا پلیٹ فارمز بند ہو گئے ہیں جن کی بحالی کیلئے کام جاری ہے ۔کئی اہم پاکستانی اداروں کی ویب سائٹس بھی شدید متاثر ہوئیں۔ برطانوی میڈیا کے مطابق کلاؤڈ فیئر میں تکنیکی خرابی سے ایکس صارفین کو مشکلات کا سامنا ہے ۔
کلاؤڈ فلیئر کمپنی کا کہناہے کہ انٹرنیٹ سروس متاثر ہونے کی اطلاعات سے آگاہ ہیں، مسئلے کو حل کرنے کی کوشش کررہے ہیں۔ کلاوڈ فیئر میں خرابی کے باعث اسٹیٹ بینک،ایس ای سی پی،این سی سی پی ایل ، سی ڈی سی کی ویب سائٹس متاثر ہوئیں ہیں جبکہ پاکستان اسٹاک ایکسچینج میں این ڈی ایم کے سودے تاخیر کا شکار ہوئے ہیں۔ پاکستانی ادارے ویب سائٹ رن اور سائبر سیکورٹی کیلئے امریکی کمپنی کلاؤڈ فیئر پر انحصار کرتے ہیں۔
سابق چیئرمین پاشا زوہب نے کہا کہ پاکستان کواپنا کلاؤڈ فلیئرسسٹم بنانا چاہیے، پاکستانی آئی ٹی ماہرین میں صلاحیت موجود ہے، حکومت پاکستان سپورٹ کرے تو مقامی کلاؤڈ فیئر تیار ہو سکتاہے۔ پی ٹی اے کا کہناہے کہ ایکس اورکلاؤڈ فلیئر کو متاثر کرنے والی بڑی عالمی سروس بندش کی مسلسل نگرانی کی جارہی ہے، پی ٹی اے عالمی پلیٹ فارمز اور مقامی آپریٹرز کے ساتھ رابطے میں ہے، سروس کی مکمل بحالی تک صورتحال کا جائزہ لیا جائیگا۔
