سموگ سے سانس کی بیماریاں پھیلنے کا خدشہ ہے، قومی ادارہ صحت نے خبردار کردیا

اسلام آباد ؛ سموگ سے سانس کی بیماریاں پھیلنے کا خدشہ ہے،قومی ادارہ صحت نے خبردار کردیا ۔
قومی ادارہ صحت نے فضائی آلودگی سے بچائو اوراحتیاطی اقدامات کے حوالے سے ایڈوائزری جاری کردی ۔ایڈوائزری میں کہا گیا ہے کہ سرد موسم میں ”سموگ” رواں ماہ سے فروری تک انسانی صحت کو شدیدمتاثر کرسکتی ہے، فضا میں زہریلے مادے اورسردی مل کر نمونیا کی بیماری پھیلانے کا سبب بنے گی۔سموگ سے صحت،معیشت اور معیار زندگی کو شدید متاثر ہو گی، سموگ سے ماحولیاتی الودگی سانس اور دل کی بیمار یوں سمیت کئی طرح کے بحران کا سامناکرنا پڑسکتا ہے۔
فضائی آلودگی سے بچوں، زیادہ عمر کے لوگوں اور پہلے سے بیمار کو زیادہ خطرہ ہے۔ ایڈوائزری کے مطابق پنجاب کے شہر لاہور ملتان، گوجرانوالہ، راولپنڈی اور اسلام آباد کو سموگ کے زیادہ خطرات ہیں، لاہور میں فضائی الودگی سب سے زیادہ ہے، جہاں شہریوں کو زیادہ احتیاط کی ضرورت ہے۔ ملک بھر میں صحت کے شعبے،اتھارٹیز اور ماہرین سموگ کے حوالے سے ضروری اقدامات کریں۔ بچوں کو زیادہ دیر باہر رہنے سے اجتناب برتنا چاہیے، مثاثرہ علاقوں میں بڑے یا بچے ماسک کا استعمال کریں۔