سعودی وزیرِ حج و عمرہ ڈاکٹر توفیق الربیعہ نے اعلان کیا ہے کہ حج خدماتی نظام نے تاریخی کارنامہ سر انجام دیا ہے۔ حج سیزن کے آغاز سے 6ماہ قبل مقدس مقامات میں دس لاکھ سے زائد حاجیوں کے لیے سمجھوتے مکمل کر لیے گئے ہیں۔
عرب ٹی وی کو جمعرات کو دیئے گئے ایک انٹرویومیں انہوں نے کہاکہ وزارت نے 77ممالک کے ساتھ معاہدے کیے تاکہ اس سیزن کے لیے حج کی کارروائیاں منظم کی جا سکیں۔ مزید یہ کہ نجی شعبے نے دنیا کے مختلف ممالک کے حج منتظمین کے ساتھ 3ہزار سے زائد معاہدے کیے تاکہ عملی منصوبہ بندی کی کارکردگی اور فراہم کی جانے والی خدمات کے معیار کو بہتر بنایا جا سکے۔
ڈاکٹر توفیق الربیعہ نے مزید بتایا کہ رواں سال حج و عمرہ نمائش و کانفرنس میں 300سرکاری اور نجی ادارے حصہ لے رہے ہیں تاکہ اللہ کے مہمانوں کی خدمت کے تجربے کو بہتر بنایا جا سکے۔
