وزیر اعلیٰ سہیل آفریدی کے سیاسی قائدین سے رابطے، مل کر چلنے کی پیشکش

پشاور : خیبر پختونخوا کے وزیر اعلیٰ سہیل آفریدی نے تمام سیاسی جماعتوں کے قائدین سے ٹیلی فون پر رابطے کرکے امن و امان کی صورتحال پر سیاسی جماعتوں کو ساتھ چلنے کی پیشکش کر دی۔
وزیراعلیٰ سہیل آفریدی نے مولانا فضل الرحمن، آفتاب شیرپاؤ، ایمل ولی خان کو ٹیلی فون کیا، انہوں نے سراج الحق، امیر مقام، اور محمد علی شاہ باچا سے بھی رابطہ اور قیام امن کے حوالے سے صوبائی حکومت کیساتھ مل کر چلنے کی پیشکش کی۔
اسی طرح گورنر اور وزیر اعلیٰ ہاؤس کے درمیان بھی دوریاں ختم ہونے لگی ہیں، اسپیکر خیبرپختونخوا اسمبلی بابر سلیم سواتی نے گورنر فیصل کریم کنڈی سے ملاقات کرکے انہیں سیکورٹی کمیٹی اجلاس میں شرکت کی دعوت دی ہے۔گورنر خیبر پختونخوا فیصل کریم کنڈی نے سیکورٹی کمیٹی کے اجلاس میں شرکت کی دعوت قبول کرلی ہے۔
وزیراعلیٰ سہیل آفریدی نے ان ہاؤس کمیٹی کے تحت تمام سیاسی جماعتوں کا جرگہ بلانے کا فیصلہ کرلیا۔ وزیراعلیٰ خیبرپختونخوا سہیل آفریدی نے متعدد سیاسی رہنماؤں سے ٹیلیفونک رابطہ کیا ہے۔
وزیراعلیٰ سہیل آفریدی کی مولانا فضل الرحمان، ایمل ولی، سراج الحق سے فون پرگفتگوہوئی، سہیل آفریدی کی امیر مقام، آفتاب شیرپاؤ اور محمد علی شاہ باچا سے بھی گفتگو ہوئی، وزیراعلیٰ نے سیاسی رہنماؤں سے صوبے میں امن و امان کی صورتحال پر مشاورت کی۔