اسلام آباد:حکومت نے صارفین کے لیے ایل پی جی کی قیمت میں بڑی کمی کا فیصلہ کرتے ہوئے باقاعدہ نوٹیفکیشن جاری کردیا۔
اوگرا کی جانب سے ایل پی جی کی قیمت میں کمی کا نوٹیفکیشن جاری کردیا گیا ہے جس کے مطابق حکومت نے نومبر کے لیے ایل پی جی کی قیمتوں میں کمی کا فیصلہ کیا ہے۔
نوٹیفیکیشن میں بتایا گیا کہ ایل پی جی کے گھریلو سلنڈر کی قیمت میں 69 روپے 44 پیسے کی کمی کی گئی جس کے بعد گھریلو صارفین کے لیے فی سلنڈر نئی قیمت2 ہزار 378 روپے 89 پیسے مقرر کی گئی ۔
اس سے قبل اکتوبر کے لیے فی سلنڈر قیمت 2 ہزار 448 روپے 33 پیسے مقرر تھی۔نوٹیفکیشن کے مطابق نومبر کے لیے فی کلوگرام ایل پی جی کی قیمت میں 5 روپے 88 پیسے کی کمی کی گئی، نئی قیمت یکم نومبر 2025 سے نافذ العمل ہوگی۔فی کلو ایل پی جی کی نئی قیمت 201روپے 60 پیسے ہوگئی ۔
