اسلام آباد:پاکستان تحریک انصاف نے وزیر اعلیٰ گلگت بلتستان سمیت 12 ارکان اسمبلی کی بنیادی رکنیت ختم کر دی۔ایڈیشنل سیکریٹری جنرل پی ٹی آئی نے منحرف ارکان جی بی اسمبلی کی پارٹی رکنیت ختم کرنے کا نوٹیفکیشن جاری کیا۔
نوٹیفکیشن کے مطابق ان سب ارکان پر پارٹی پالیسی کی خلاف ورزی، فارورڈ بلاک بنانے اور پارٹی کے خلاف ووٹنگ کے الزامات ہیں۔پی ٹی آئی کی جانب سے کہا گیا ہے کہ وزیر اعلیٰ جی بی گلبر خان، شمس الحق لون، راجا اعظم، عبدالحمید، امجد زیدی، حاجی شاہ بیگ، ثریا زمان، راجا ناصر کی بنیادی رکنیت ختم کی گئی ہے۔
نوٹیفکیشن کے مطابق رکن گلگت بلتستان اسمبلی مشتاق احمد، دلشاد بانو اور فضل رحیم کی بھی بنیادی رکنیت ختم کی گئی ہے جبکہ سابق گورنر گلگت بلتستان راجا جلال حسین مقپون کو شوکاز نوٹس جاری کیا گیا ہے۔گلگت بلتستان کے ارکان پر پارٹی کا نام، جھنڈا اور عہدہ استعمال کرنے کی ممانعت کی گئی ہے۔
