امریکی محکمہ خارجہ نے کالعدم بلوچستان لبریشن آرمی (بی ایل اے) اور اس کے ذیلی گروپ مجید بریگیڈ کو غیرملکی دہشت گرد تنظیم قرار دے دیا۔
امریکی وزیرخارجہ مارکو روبیو کا کہنا ہے کہ دہشتگرد تنظیموں کی نامزدگیاں دہشت گردی کے خلاف ہماری لڑائی میں ایک اہم کردار ادا کرتی ہے۔ ٹرمپ انتظامیہ کا دہشتگردی کی روک تھام کے لیے عزم برقرار ہے۔
امریکی محکمہ خارجہ کی جانب سے جاری کیے بیان میں کہا گیا ہے کہ بی ایل اے اور مجید بریگیڈ کو دہشتگردوں کی فہرست میں شامل کردیا گیا ہے۔
اعلامیہ میں کہا گیا کہ 2019ء میں کالعدم بی ایل اے کو خصوصی طور پر نامزد عالمی دہشت گرد قرار دیا گیا تھا جبکہ مجید بریگیڈ کا نام بی ایل اے کے عالمی دہشت گرد فہرست میں شامل ہے۔
غزہ پر قبضے کااسرائیلی منصوبہ خطرناک اور اشتعال انگیز ہے،پاکستان
اعلامیہ کے مطابق بی ایل اے نے 2024ء میں کراچی ایئرپورٹ اور گوادر میں خودکش حملوں کی ذمہ داری قبول کی تھی، جبکہ 2025ء میں بی ایل اے نے جعفر ایکسپریس ہائی جیکنگ کی ذمہ داری قبول کی تھی۔
