آئندہ چند دنوں میں پیٹرولیم مصنوعات کی قیمتوں میں بڑی کمی کا امکان ہے۔
موقر معاصر جنگ کے مطابق یکم اگست سے آئندہ پندرہ روز کے لیے پیٹرول کے نرخ میں 9.07 روپے فی لیٹر اور ڈیزل کی قیمت میں 3.73روپے فی لیٹر کمی کا امکان ہے۔
اس کی وجہ بین الاقوامی سطح پر تیل کی قیمتوں میں اتار چڑھاؤ کو بتایا جارہا ہے۔ اس کے علاوہ ایک اہم وجہ ڈالر کے مقابلے میں روپے کی قدر کی ایڈجسٹمنٹ بھی بتائی جارہی ہے۔ اس کا اثر پیٹرولیم مصنوعات کی قیمتوں پر بھی ہو رہا ہے ۔
زرداری،ترین،شریف فیملی ملز مالکان،چینی بحران میں300ارب کمائے، رپورٹ
صنعتی ذرائع کے مطابق پیٹرول کی قیمت 272.16 روپے فی لیٹر سے کم ہوکر 263.08 روپے فی لیٹر، ڈیزل کی 283.35 روپے فی لیٹر سےکم ہوکر 280.62 روپے فی لیٹر ہو جائے گی۔
تاہم مٹی کے تیل (کیروسین) کے فی لیٹر دام 3.55 روپے فی لیٹر اضافے کے ساتھ 181.33روپے فی لیٹر سے بڑھ کر 184.88 روپے فی لیٹر ہو جائیں گے۔
لائٹ ڈیزل کے دام 2.33 روپے فی لیٹر اضافے کے ساتھ 167.76 روپے فی لیٹر سے بڑھ کر 170.09روپے فی لیٹر ہو جائیں گے۔
