راولپنڈی: غیر قانونی مقیم غیر ملکی اور افغان سٹیزن کارڈ ہولڈرز کا انخلا ء تیزی سے جاری ہے۔
مجموعی طور پر پاکستان چھوڑنے والے افغان باشندوں کی تعداد 9 لاکھ 61 ہزار سے تجاوز کر گئی ۔غیر قانونی مقیم اور افغان سٹیزن کارڈ ہولڈرز کو پاکستان چھوڑنے کی ڈیڈلائن ختم ہونے کے بعد انخلاء جاری ہے، 15اپریل کو 7 ہزار 138 سے زائد غیر قانونی افغان باشندوں کو وطن واپس روانہ کیا گیا۔
، مجموعی طور پر پاکستان چھوڑنے والے غیر قانونی افغان باشندوں کی تعداد 9 لاکھ 61 ہزار 704 تک پہنچ چکی ہے، غیر قانونی مقیم اور افغان سٹیزن کارڈ ہولڈرز کے خلاف سخت قانونی کاروائی عمل میں لائی جارہی ہے ، حکومت کی جانب سے غیر قانونی مقیم اور افغان سٹیزن کارڈ ہولڈرز کی باعزت وطن واپسی کو یقینی بنایا جا رہا ہے۔
حکومت نے اس بات کو یقینی بنایا ہے کہ غیر ملکی اور افغان سٹیزن کارڈ ہولڈرز کے انخلا کے دوران کسی سے بدسلوکی نہیں کی جائے، حکومت پاکستان نے واپس جانے والوں کے لیے خوراک اور صحت کی بہترین سہولیات فراہم کی ہیں۔
