اسلام آباد:اسلام آبادمیں منشیات فروشوں کی پشت پناہی پر 11پولیس افسران و اہلکاروں کو نوکری سے برطرف کردیا گیا۔
میڈیارپورٹ کے مطابق برطرف ہونے والوں میں سب انسپکٹر ،اے ایس آئی ،ہیڈ کانسٹیبل شامل ہیں۔اس کے علاوہ تھانہ گولڑہ کے ایس آئی طلعت محمود،اے ایس آئی محمداجمل،ریڈرایس پی سواں، تھانہ کھنہ ،ترنول ،سنگجانی سیکرٹریٹ ،تھانہ نون ،بہارہ کہوکے اہلکار ، اے ایس آئی ظہیر احمد ،ہیڈ کانسٹیبل محمد اسحاق ،کانسٹیبل وقاص ادریس بھی برطرف ہونے والوں میں شامل ہیں۔
ترجمان کا کہنا تھا کہ برطرف افسران کیخلاف کارروائی محکمانہ خفیہ رپورٹس کی بنیاد پر عمل میں لائی گئی۔اس حوالے سے ڈی آئی جی اسلام آباد نے افسران و اہلکاروں کو برطرف کرکے رپورٹ آئی جی کوارسال کردی۔
