شارجہ:شارجہ پولیس نے ایک غیر قانونی بھکاری کو گرفتار کیا ہے جس کے پاس سے 14 ہزار درہم (پاکستانی 10 لاکھ روپے سے زائد) برآمد ہوئے۔
بھکاری تین دن میں عوام کی ہمدردی کا فائدہ اٹھا کر اتنی بڑی رقم جمع کرنے میں کامیاب ہوا تھا۔ایک مقامی شہری نے پولیس کو اطلاع دی تھی کہ مسجد کے باہر ایک شخص مالی مشکلات کا دعویٰ کرتے ہوئے بھیک مانگ رہا ہے۔
پولیس نے موقع پر پہنچ کر اس کی شناختی تفصیلات چیک کیں تو معلوم ہوا کہ وہ ملک میں غیر قانونی طور پر مقیم ہے۔شارجہ پولیس نے “بھیک مانگنا جرم ہے، دینا ذمہ داری ہے” کے عنوان سے ایک مہم شروع کر رکھی ہے جو رمضان کے آغاز سے جاری ہے۔ مہم کے تحت سادہ لباس اور سیکورٹی اہلکاروں کی ٹیمیں تعینات کی گئی ہیں تاکہ گداگری کے رجحان کو روکا جا سکے۔
