ریاض:سعودی عرب میں ملازمین اور طلبہ مارچ کے آخر میں عید الفطر کی توسیعی تعطیلات سے لطف اندوز ہوں گے۔
عید الفطر کے موقع پر مسلمان کئی دن کی چھٹیوں سے لطف اندوز ہوتے ہیں۔اس سال ماہِ رمضان یکم مارچ سے شروع ہوا۔میڈیارپورٹس کے مطابق سعودی عرب میں عید کی سرکاری چھٹی 30مارچ بروز اتوار سے شروع ہو گی یعنی ملازمین 28اور 29مارچ کے ساتھ طویل تعطیل کا لطف اٹھائیں گے۔
عید الفطر کی تعطیلات 2اپریل بروز بدھ کو ختم ہوں گی اور جمعرات3 اپریل کو کام دوبارہ شروع ہو گا۔وزارتِ تعلیم کے مطابق دوسری طرف طلبہ کے لیے تعطیلات 20مارچ سے6 اپریل تک ہوں گی۔عیدالفطر کی اصل تاریخ کی چاند نظر آنے پر تصدیق ہو گی۔
سعودی عرب جون کے اوائل میں عید الاضحی بھی منائی جائے گی جب 4 سرکاری تعطیلات ہوں گی۔سال کے آخر میں مملکت میں سعودی قومی دن کے موقع پر بھی چھٹی ہو گی جو ہر سال 23ستمبر کو آتا ہے۔
