ریاض:سعودی عرب میں ایک ہفتے کے دوران 17ہزار غیر قانونی تارکین کو گرفتار کر لیا گیا۔
مقامی میڈیا رپورٹس کے مطابق غیر قانونی تارکین کے خلاف کام کرنے والی مشترکہ کمیٹی کی جانب سے جاری بیان میں کہا گیا کہ 20فروری سے 26فروری 2025ء کے دوران غیرقانونی تارکین کی گرفتاری کے لیے کارروائیاں کی گئیں۔جاری کردہ رپورٹ کے مطابق گرفتار ہونے والوں میں 10ہزار 397اقامہ قوانین کی خلاف ورزی، 4ہزار 128گرفتار شدگان سرحدی قوانین کی خلاف ورزی اور 2 ہزار 864تارکین لیبر قوانین کی خلاف ورزی میں ملوث تھے۔
کمیٹی نے بتایا کہ مذکورہ عرصے کے دوران ایک ہزار 483افراد گرفتار ہوئے ہیں جو سرحد عبور کرکے ملک میں غیر قانونی طور پر داخل ہونے کی کوشش کر رہے تھے جن میں سے 41فیصد یمنی، 56فیصد ایتھوپیائی اور 3فیصد دیگر ممالک کے تارکین شامل تھے، غیر قانونی تارکین کو سہولت فراہم کرنے پر 15افراد گرفتار کیے گئے۔سعودی عرب کی وزارت داخلہ نے بیان میں کہا ہے کہ غیر قانونی تارکین کو کسی بھی قسم کی سہولت فراہم کرنا سنگین جرم ہے، جس پر 15سال قید اور 10لاکھ ریال جرمانہ ہوسکتا ہے۔
