غزہ: فلسطینی مزاحمتی تنظیم حماس کے بانی شیخ احمد یاسین شہید کا ایک پرانا انٹرویو دوبارہ سوشل میڈیا پر وائرل ہو رہا ہے، جس میں انہوں نے اسرائیل کے خاتمے سے متعلق ایک پیشگوئی کی تھی۔
میڈیارپورٹس کے مطابق1999ء میں ایک عرب میڈیا کو انٹرویو دیتے ہوئے ان سے اسرائیل کے مستقبل کے بارے میں سوال کیا گیا، جس پر انہوں نے کہاکہ اسرائیل کی بنیاد ظلم پر ہے، اور ظلم پر قائم کوئی چیز ہمیشہ نہیں رہتی۔
دنیا میں کوئی طاقت ہمیشہ نہیں رہتی، جیسے انسان بچپن، جوانی اور بڑھاپے کے مراحل سے گزرتا ہے، اسی طرح ممالک بھی ختم ہو جاتے ہیں۔ 21ویں صدی کے پہلے 25سالوں میں اسرائیل کا وجود ختم ہو جائے گااور 2027ء میں اسرائیل نہیں رہے گا۔
جب ان سے اس مخصوص سال کی وضاحت پوچھی گئی، تو انہوں نے کہا کہ قرآن ہمیں بتاتا ہے کہ 40سال میں ایک نسل تبدیل ہوتی ہے۔انہوں نے تاریخی حوالہ دیتے ہوئے کہا کہ پہلے 40سال (1948-1987)میں نکبہ ہوا، جب فلسطینیوں کو ان کی زمینوں سے بے دخل کیا گیا۔
اگلے 40 سال (1987-2027)میں انتفاضہ اور مسلح جھڑپوں کا دور رہا۔ اگلے 40سال میں اسرائیل ختم ہو جائے گا۔
شیخ احمد یاسین نے 1987ء میں حماس کی بنیاد رکھی۔ 1982ء اور 1991ء میں اسرائیل نے انہیں قید میں رکھا، لیکن بعد میں قیدیوں کے تبادلے میں رہا کر دیا گیا۔ 22 مارچ 2004 ء کو اسرائیل نے غزہ میں فضائی حملہ کر کے نمازِ فجر کے دوران انہیں شہید کر دیاتھا۔
