اسلام آباد:سعودیہ، مالدیپ اور متحدہ عرب امارات سمیت 5 ملکوں سے مزید 17 پاکستانیوں کو ڈی پورٹ کر دیا گیا۔
تمام افراد کو گزشتہ 24 گھنٹے کے دوران پاکستان ڈی پورٹ کیا گیا ۔امیگریشن ذرائع کے مطابق سعودیہ سے بلیک لسٹ 4، زائد المیعاد قیام پر ایک اور بغیر پاسپورٹ 2 پاکستانی بے دخل کیے گئے۔
مالدیپ میں ناپسندیدہ قرار دے کر ایک جبکہ متحدہ عرب امارات میں بغیر پاسپورٹ اور زائد المیعاد قیام پر 2 افراد کو ڈی پورٹ کیا گیا۔کینیا میں زائد المیعاد پاسپورٹ پر ایک ، قطر میں مفرور 4 اور مقامی قوانین کی خلاف ورزی پر ایک پاکستانی کو ڈی پورٹ کیا گیا۔
