جدہ: سعودی فیشن اتھارٹی کی جانب سے جدہ میں بینالی اسلامک آرٹ میں پائیدار احرام کو متعارف کرایا گیا ہے۔
میڈیارپورٹس کے مطابق جدہ میں پریس کانفرنس میں پائیدار احرام کو متعارف کرایا جو سرک کمپنی اور فیشن انڈسٹری میں معروف تدویم کمپنی کے تعاون سے ری سائیکلنگ کے ذریعے پرانے احرام کو نئے احرام میں تبدیل کیا۔یہ کمپنیاں کپڑوں کی ری سائیکلنگ کے شعبے میں غیرمعمولی مہارت کی حامل ہیں جس کا مقصد اس شعبے کو مزید ترقی دینا اور نئے در کھولنا ہے۔
ری سائیکلنگ کے ذریعے ماحولیات کا تحفظ بھی ہے جو مملکت کے وژن 2030ء کے اہداف میں شامل ہے۔فیشن اتھارٹی کے سی ای او بارک چقماق نے کہا کہ پائیدار احرام انیشیٹو کا مقصد ماحولیاتی تحفظ کو یقینی بنانا ہے اس کے ذریعے پرانے اور استعمال شدہ احرام کو ری سائیکل کرنے کے بعد انہیں نیا بنایا جاتا ہے۔انہوں نے کہا کہ فیشن اتھارٹی عالمی سطح پر پائیداری کے معیار کو مدنظررکھتے ہوئے مملکت میں پائیدار انڈسٹری کو فروغ دینے کے لیے کوشاں ہے۔
