امریکا سے بے دخل 119افراد کا جہاز پاناما پہنچ گیا

واشنگٹن: امریکا سے بے دخل کیے گئے 119افراد کا جہاز پاناما پہنچ گیا۔
عرب ٹی وی کے مطابق پاناما حکام نے بتایاکہ بے دخل کیے گئے افراد میں پاکستان، چین سمیت مختلف ممالک کے شہری شامل ہیں۔حکام نے بتایا کہ پاناما نے امریکا کو بے دخل افراد کے لیے عارضی راستہ فراہم کیا، امریکا سے ملک بدر افراد کو پاناما سے ان کے ممالک روانہ کیا جائے گا۔
خیال رہے امریکا سے غیر قانونی تارکین وطن کا انخلا ء شروع ہو گیا ہے۔ انہیں فوجی طیاروں میں لاد کر سرحد پار لے جایا جا رہا ہے۔ایسی ہی ایک پرواز کی تصویر وائٹ ہاؤس نے سوشل میڈیا پلیٹ فارم ایکس پر شیئر کی ہے۔