اسلام آباد: حکومت بجلی کی قیمتوں میں کمی کیلئے کوشاں ہے، ٹاسک فورس نے مزید 45 پاور پلانٹس سے مذاکرات شروع کر دیے۔
مجموعی طور پر بجلی 2 روپے فی یونٹ سستی ہوگی۔ذرائع وزارت توانائی کے مطابق 25 کے قریب سرکاری پاور پلانٹس کا منافع 19 فیصد سے کم کرکے 13 فیصد کیا جائے گا، پلانٹس کا منافع کم کرنے سے بجلی ٹیرف میں 50 پیسے فی یونٹ کمی ہوگی۔
رپورٹ کے مطابق سرکاری پاور پلانٹس کو اب مجموعی پیداواری صلاحیت کے بجائے اصل پیداوار کے مطابق ادائیگی ہوگی۔ٹاسک فورس کی سفارشات کی وزیراعظم شہباز شریف کے زیر صدارت آئندہ کابینہ اجلاس سے منظوری کا امکان ہے۔
ملک بھرکے لیے بجلی مزید 2 روپے سستی ہونے کا امکان
