استنبول: صدر آصف علی زرداری نے پرتگال جاتے ہوئے استنبول ائیرپورٹ پرترک ہم منصب سے ملاقات کی۔
صدر کا دورہ پرتگال کے دوران ترکیہ میں مختصر قیام تھا۔ترکیہ کے وزیر خارجہ حاکان فدان نے صدرمملکت کا استقبال کیا، استنبول ایئرپورٹ پر صدر زرداری سے ترک صدر رجب طیب اردگان نے ملاقات کی۔
ترک صدر سے ملاقات کے دوران دونوں صدور کا خوشگوار جملوں کا تبادلہ ہوا جبکہ دوطرفہ تعلقات اور باہمی دلچسپی کے امور پر تبادلہ خیال کیا گیا۔صدر مملکت پرنس کریم آغا خان کے انتقال پر اظہار افسوس کیلئے اس وقت پرتگال کے دورے پر ہیں۔
