امیر جماعت اسلامی حافظ نعیم الرحمان نے دوحہ میں حماس کے موجودہ سربراہ حسن درویش اور سابق سربراہ خالد مشعل سمیت دیگر قائدین سے ملاقات کی ہے۔
حافظ نعیم الرحمان کا کہنا تھا کہ 15 ماہ تک ثابت قدمی سے مزاحمت کرنے پر اہل غزہ اور حماس کی قیادت کو خراج تحسین پیش کرتے ہیں، پاکستان کے عوام غزہ کی تعمیر نو میں اپنا کردار ادا کریں گے۔ حافظ نعیم نے کہا کہ اسماعیل ہنیہ ، یحییٰ سنوار اور غزہ کے 60 ہزار شہداء کو سلام پیش کرتے ہیں۔ فلسطین مکمل طور پر فلسطینیوں کا ہے۔
حماس رہنما حسن درویش نے کہا کہ اہلِ فلسطین کی جانب سے پاکستانیوں کا شکریہ ادا کرتے ہیں ۔ پاکستان نے امت کے مسائل کے حل کے لیے قائدانہ کردار ادا کیا ہے۔ ان کا کہنا تھا کہ بحالی میں پاکستان کی حکومت اور عوام سے تعاون کی امید رکھتے ہیں۔
ملاقات میں حماس کے سابق سربراہ خالد مشعل، مرکزی رہنما ڈاکٹر خلیل الحیہ اور دیگر مرکزی قائدین بھی موجود تھے۔
