کراچی(اسلام ڈیجیٹل)نادرا نے شہرمیں بائیکرسروس کا آغازکردیا، نئی سہولت کے ذریعے شہری گھربیٹھے قومی شناختی کارڈزکے متفرق کاموں کے لیے استفادہ کرسکیں گے۔
نادرا ریجنل ہیڈ آفس میں سادہ وپروقارتقریب کے دوران ڈی جی نادرا کراچی ریجن احتشام شاہد نے قومی شناختی کارڈز کی درخواستوں کی پراسسینگ کے لیے درکارآلات پرمشتمل بائیک کی چابیاں بائیکرزکے حوالے کیں۔
یہ بھی پڑھیے
وفاق المدارس کا مدارس کی حیثیت تبدیلی کی کوششوں کیخلاف مزاحمت کا اعلان
ابتدائی طورپرنادراحکام کی جانب سے شہریوں کیقومی شناختی کارڈزکی تجدید اورپتے اوردیگرتفصیلات کی تبدیلیوں کے لیے تین بائیکس متعارف کروائی گئی ہیں، پہلی مرتبہ نئے شناختی کارڈزبنوانے والے شہری اس سروس سے استفادہ نہیں کرسکیں گے، انھیں پہلی مرتبہ قومی شناختی کارڈ کے حصول کے لیے نادراکے سینٹرآنا پڑے گا.بائیک سروس میں مزید بائیکوں کی تعدادمیں آنے والے کچھ عرصے کے دوران بتدریج اضافہ کیا جائیگا۔
کراچی کے علاوہ یہ سروس حیدرآباد اورمیرپورخاص میں بھی دستیاب ہوگی،اس موقع پرمیڈیا سے گفتگومیں ڈی جی نادراکراچی ریجن احتشام شاہد کا کہناتھا کہ کراچی کے شہری نادرا کی ہیلپ لائن سے خود کو رجسٹرڈ کراسکتے ہیں، بائیکرسہولت سے نیاکارڈ نہیں بن سکے گا،البتہ پہلے سے بنے کارڈز کی تجدید سمیت دیگرسروسز سے استفادہ کیا جاسکے گا۔ان کا کہنا ہے کہ اس قبل گھرپرجوسروس مہیا کی جاتی تھیں وہ سینئرسیٹزن کے لیے مخصوص تھی تاہم نئی سروس سے ہرشہری استفادہ کرسکتا ہے،ڈی جی نادراکے مطابق قومی شناختی کی اصل فیس کے علاوہ ایک ہزارروپے اضافی رقم وصول کی جائے گی۔
