الیکشن کمیشن میں ایک اورپارٹی رجسٹرڈ ،سیاسی جماعتوں کی تعداد کتنی ہوگئی؟

اسلام آباد(اسلام ڈیجیٹل)الیکشن کمیشن نے سابق وزیراعظم شاہد خاقان عباسی کی جماعت عوام پاکستان پارٹی کو رجسٹر کرلیا۔الیکشن کمیشن نے عوام پاکستان پارٹی کی رجسٹریشن کا نوٹیفکیشن جاری کردیا۔
نوٹیفکیشن کے مطابق شاہد خاقان عباسی جماعت کے کنوینر اور مفتاح اسماعیل سیکرٹری ہیں۔نوٹیفکیشن میں بتایا گیا ہے کہ انٹراپارٹی الیکشن گزشتہ سال جون میں منعقد کیے گئے۔خیال رہے کہ گزشتہ سال جون میں لیگی ناراض رہنماؤں نے ‘عوام پاکستان پارٹی’ کے نام سے نئی سیاسی جماعت بنائی تھی۔نئی سیاسی جماعت عوام پاکستان پارٹی کا نعرہ ‘بدلیں گے نظام’ رکھا گیا ہے اور جماعت کے جھنڈے کا رنگ سبز اور نیلا ہے جس میں پارٹی کا نام سفید رنگ سے تحریر ہے۔الیکشن کمیشن میں رجسٹرڈ سیاسی جماعتوں کی تعداد 168 ہوگئی ۔