کراچی(اسلام ڈیجیٹل) ثانوی تعلیم بورڈ کراچی کا نویں اور دسویں جماعت کے سالانہ امتحانات مارچ میں کرانے کا فیصلہ کیا گیا ہے۔ثانوی تعلیمی بورڈ کراچی نے نویں اور دسویں جماعت کے طلبہ کو دوہرے امتحان میں ڈال دیا۔
بورڈ کے مارچ میں سالانہ امتحانات کرانے کے فیصلے نے طلبہ اور اساتذہ کو کشمکش میں مبتلا کردیا ہے۔طلبہ نے بتایاکہ امتحانات عید کے بعد لیے جائیں جبکہ طالبات نے کہا کہ عید سے پہلے امتحانات ہوجائیں گے تو عید کا مزہ دوبالا ہوجائے گا۔ٹیچر نے کہا کے لڑکوں کے لیے سحر وافطار کے انتظام کے ساتھ رمضان کے شروع میں تراویح اور آخری عشرے میں اعتکاف میں کیسے بیٹھیں گے، پڑھائی پر توجہ دینا مشکل ہوجائے گا۔طلبہ، والدین اور اساتذہ نے وزیراعلیٰ سندھ ، محکمہ تعلیم و اسٹیئرنگ کمیٹی سے نوٹس لینے اور اس فیصلے پر نظرثانی کا مطالبہ کردیا۔
