مسجد نبوی میں ایک ہفتے کے دوران 5.6ملین زائرین کی آمد

مدینہ منورہ(اسلام ڈیجیٹل)سعودی عرب کی جنرل اتھارٹی برائے مسجد نبوی امور نے کہا ہے کہ گزشتہ ہفتے کے دوران 5.6ملین سے زیادہ زائرین کا خیرمقدم کیا گیا ہے۔عرب ٹی وی کے مطابق انتظامیہ کی جانب سے جاری بیان میں بتایا گیا ہے کہ ہفتے کے دوران 5.6ملین آنے والے زائرین میں سے 5,663,488نے روضہ رسول پر حاضری دی جبکہ 367,739زائرین نے ریاض الجنہ میں نماز ادا کی۔مختلف ملکوں سے تعلق رکھنے والے 46,731زائرین کو ان کی زبانوں میں ترجمے کی سہولت فراہم کی گئی۔اعداد وشمار میں بتایا گیا 1,460ٹن زمزم زائرین کو مہیا کیا گیا جبکہ زمزم کے معیار کو برقرار رکھنے کے لیے 158سیمپل جانچ کے لیے لیبارٹری بھیجے گئے۔مسجد نبوی میں سینی ٹائزنگ اور صفائی کے لیے 24.256لیٹرسینیٹائزر استعمال کیا گیاجبکہ مسجد کے اندر مقررہ مقامات پرایک لاکھ 79ہزار56افطار پیکٹ تقسیم کیے گئے جو زائرین کی ضروریات کو پورا کرنے کی مسلسل کوششوں کا حصہ ہے۔