سب میرین کیبل میں خرابی، پی ٹی اے نے عارضی انتظام کرلیا

اسلام آباد (اسلام ڈیجیٹل ) پاکستان ٹیلی کمیونیکیشن اتھارٹی (پی ٹی اے)نے کہاہے کہ سب میرین کیبل میں خرابی کے باعث عارضی بینڈ وڈتھ سسٹم میں شامل کرلی گئی ہے۔پی ٹی اے کی جانب سے جاری اعلامیے کے مطابق 2جنوری کو اے اے ای 1سب میرین کیبل سسٹم میں خرابی پیدا ہوئی۔ خرابی کے پیش نظر عارضی بینڈ وڈتھ کا بندوبست کرکے سسٹم میں شامل کر لیا گیا۔اعلامیے کے مطابق اس وقت ملک بھر میں انٹرنیٹ سروسز کے حوالے سے ڈی گریڈیشن نہیں ہے۔ پی ٹی اے کی جانب سے اے اے ای 1سب میرین کیبل کی بحالی کے عمل کی مسلسل نگرانی کی جارہی ہے۔ اس دوران پی ٹی اے تمام سروسز کو یقینی بنانے کے لیے پرعزم ہے۔ عالمی سب میرین کیبل میں خرابی سے پاکستان میں انٹرنیٹ شدید متاثر ہے تاہم خرابی کے پیش نظر پی ٹی اے کی جانب سے عارضی بینڈ وتھ کو سسٹم میں شامل کر دیا گیاہے۔