کراچی:بلدیہ عظمیٰ کراچی نے میونسپل ٹیکس کی مد میں رواں سال4ارب روپے وصول کیے۔
کراچی میں یہ ٹیکس بجلی کے بلوں کے ساتھ لگ کر آتا ہے اور کے ایم سی نے اس کے لیے6ارب روپے کاٹارگٹ مختص کیا تھا۔فنانشل ایڈوائزر گلزار علی کے مطابق کسی ریونیو ٹارگٹ کا60فیصد وصول ہونا بڑی کامیابی ہے اور ماضی میں ایسا کبھی نہیں رہا۔
انہوں نے بتایا کہ آئندہ مالی سال 27-2026ء کا بجٹ60ارب روپے کے قریب ہو گا جسے منظوری کے لیے میئر کراچی مرتضیٰ وہاب کی جانب سے 18جون کو سٹی کونسل میں پیش کیے جانے کا امکان ہے۔
انہوں نے کہا کہ آئندہ بجٹ میں حکومت سندھ سے ملنے والے فنڈ اور کے ایم سی کی اپنے ذرائع حاصل آمدن کو ملا کر مجموعی طور پر37ارب روپے ڈیولپمنٹ پر خرچ ہو ں گے۔
