تھائی لینڈ میں مسافر ٹرین کو حادثہ، 22 افراد ہلاک، متعدد زخمی

غیر ملکی خبر رساں ادارے کے مطابق صوبہ ناکھون رتچاسیما کے ضلع سکھیو میں حادثہ پیش آیا جہاں ایک ہیوی کرین اچانک پاس سے گزرنے والی ٹرین پر گر گئی، جس کے باعث ٹرین پٹڑی سے اترگئی، حادثے کے بعد ٹرین کی کئی بوگیوں میں آگ بھڑک اٹھی، جس سے جانی و مالی نقصان ہوا۔

حکام کے مطابق متعدد افراد ملبے میں پھنسے ہوئے ہیں، جنہیں نکالنے کیلئے ریسکیو آپریشن جاری ہے، ریسکیو ٹیمیں اور امدادی ادارے موقع پر موجود ہیں جبکہ زخمیوں کو قریبی ہسپتالوں میں منتقل کر دیا گیا ہے۔

حکام کا کہنا ہے کہ ہلاکتوں میں اضافے کا خدشہ ہے، حادثے کی وجوہات جاننے کیلئے تحقیقات کا آغاز کر دیا گیا ہے۔