لاہور:تحریک انصاف کے دور میں ہونے والی ڈسٹرکٹ ایجوکیشن اتھارٹیز میں مالی بے ضابطگیوں پر پبلک اکاؤنٹس کمیٹی تھری نے بڑی کارروائی کرتے ہوئے300 ملین کی ریکوری کر لی۔
محکمہ تعلیم پنجاب نے ریکوری کی رپورٹ پبلک اکاؤنٹس کمیٹی تھری میں پیش کر دی تاہم کئی مالی بے ضابطگیوں کا آڈٹ ڈپمارٹمنٹ کو ریکارڈ بھی پیش نہ کیا گیا۔
سابق حکومت کے دور میں پرائیویٹ سکولوں سے رجسٹریشن فیس وصول نہیں کی گئی جبکہ ڈسٹرکٹ ایجوکیشن اتھارٹیز میں خریداری میں مالی ہیر پھیر کی گئی۔اسی طرح عملے کو غیر قانونی الاؤنس دیا گیا جبکہ سیکورٹی اکائونٹس کے نام پر غیر قانونی ادائیگیاں کی گئیں۔
