اسلام آباد:فریڈم نیٹ ورک کی رپورٹ میں انکشاف ہوا ہے کہ پاکستان میں صحافیوں پر حملوں میں60 فیصد اضافہ ہوا ہے جس سے اظہارِ رائے کی آزادی کو خطرہ لاحق ہے۔
فریڈم نیٹ ورک کی سالانہ رپورٹ کے مطابق نومبر 2024 سے ستمبر 2025 کے دوران صحافیوں پر حملے کے 142 واقعات ریکارڈ کیے گئے، ریکارڈ شدہ زیادہ تر کیس پنجاب اور اسلام آباد سے رپورٹ ہوئے۔
فریڈم نیٹ ورک کے مطابق وفاقی حکومت کے پہلے سال کے دوران 36 مقدمات درج کیے گئے جن میں سے22 پیکا اور 14 پاکستان پینل کوڈ کے تحت تھے۔
