بروقت انصاف کی فراہمی اخلاقی ذمہ داری بھی ہے ، چیف جسٹس

اسلام آباد : چیف جسٹس پاکستان یحییٰ آفریدی نے کہا کہ بروقت انصاف کی فراہمی آئینی مینڈیٹ ہی نہیں اخلاقی ذمہ داری بھی ہے۔
چیف جسٹس آف پاکستان یحییٰ آفریدی کے زیر صدارت کارکردگی جائزہ اجلاس ہوا، اجلاس میں سپریم کورٹ کے مختلف شعبوں کے حکام نے شرکت کی۔اجلاس کے اعلامیہ کے مطابق بہتری کیلئے 89 ٹاسک مقرر کیے گئے تھے، 30 ٹاسک کامیابی سے مکمل ہو چکے ہیں، 44 قسم کے اقدامات پر کام جاری، 14 تکمیل کے قریب ہیں۔ اعلامیہ کے مطابق اجلاس میں مقدمات کو نمٹانے کی رپورٹ کا جائزہ بھی لیا گیا، چیف جسٹس نے مجموعی کارکردگی پر اطمینان کا اظہار کیا۔
چیف جسٹس پاکستان یحییٰ آفریدی نے آئندہ اجلاس سے پہلے ریفارمز کے تمام ٹاسک مکمل کرنے کی ہدایت کی ہے۔ اجلاس میں مقدمات کو نمٹانے کی رپورٹ کا بھی جائزہ لیا گیا اور چیف جسٹس نے مجموعی کارکردگی پر اطمینان کا اظہار کیا۔چیف جسٹس یحییٰ آفریدی نے بتایا کہ بروقت انصاف کی فراہمی آئینی مینڈیٹ ہی نہیں ، اخلاقی ذمہ داری بھی ہے۔اعلامیے کے مطابق چیف جسٹس نے آئندہ اجلاس سے پہلے ریفارمز کے تمام ٹاسک مکمل کرنے کی ہدایت کی۔