لاہور:پنجاب حکومت نے چینی کی سپلائی بہتر کرنے کیلئے نیا فارمولا لانے پرغور شروع کردیا، گھریلو کوٹہ بڑھاکر 50فیصد تک کرنے کی تجویز ہے۔
پنجاب بھر میں آئندہ چینی کی ترسیل کیلئے نئے نظام لانے پر بھی غور کیا جارہا ہے، چینی کا آدھا سٹاک ڈپٹی کمشنر جبکہ باقی بروکرز کے ذریعے سپلائی کیے جانے کی تجویز دی گئی۔
ذرائع کا کہنا ہے کہ گھریلو کوٹا بڑھاکر پچاس فیصد تک کرنے کی تجویز ہے، کمرشل صارف کے لئے 70فیصد تک کوٹا فراہم کیا جاتا ہے، اقدام سے سٹے بازی پر قابو پانے میں مدد ملے گی۔
کین کمشنر پنجاب نوید شہزاد مرزا کی سربراہی میں کوآرڈی نیشن کمیٹی کا اجلاس میں اس حوالے سے تبادلہ خیال کیا گیا۔اجلاس میں کمیٹی ممبران اور شوگر ملز نمائندگان بھی شریک ہوئے، اس حوالے سے حتمی فیصلہ مشاورت سے کرنے پر زور دیا گیا۔
