پشاور: خیبرپختونخوا میں مقامی سطح پر منکی پاکس کا پہلا کیس سامنے آگیا۔
صوبائی مشیرصحت احتشام خان کے مطابق خیبرپختونخوا میں مقامی سطح پر منکی پاکس کی منتقلی کایہ پہلاکیس ہے، متاثرہ خاتون کا شوہر حال ہی میں ایک خلیجی ملک سے واپس آیا تھا۔احتشام خان نے بتایا کہ مریضہ کو 18 فروری کوبخار اور جسم میں درد کی شکایت پر ہسپتال منتقل کیا گیا۔
19 فروری کو خاتون کے جسم اور منہ میں دانے نمودار ہوئے جبکہ مریضہ کے نمونے میں 21 فروری کو منکی پاکس کی تصدیق ہوئی۔مشیر صحت کا کہنا ہے کہ مریضہ کے شوہر سمیت تمام قریبی افراد کو گھریلو آئیسولیشن کی ہدایت دی گئی ہے۔
