گاڑیوں کی نئی نمبر پلیٹس،سندھ حکومت نے شہریوں کو الٹی میٹم دے دیا

کراچی:سندھ حکومت نے گاڑیوں کے مالکان کو نئی نمبر پلیٹس لگانے کیلئے آخری مہلت دے دی۔3 اپریل کے بعد کراچی سمیت صوبے بھر میں جدید سیکورٹی فیچر پر مشتمل نئی اجرک والی نمبر پلیٹس کے علاوہ گاڑیوں کی کوئی نمبر پلیٹ قابل قبول نہیں ہوگی۔
تین پریل کے بعد پرانی نمبر پلیٹ والی گاڑیاں ضبط ہوں گی۔ جرمانہ بھی عائد ہوگا۔تمام نجی گاڑیوں کی نمبر پلیٹ سفید رنگ اور کمرشل گاڑیوں کی نمبر پلیٹ پیلے رنگ کی ہوگی۔ کمرشل و نجی گاڑیوں کے نمبر پلیٹس کی فیس2ہزار450روپے موٹر سائیکل اور رکشہ کے نمبر پلیٹس کی فیس ایک ہزار850 روپے ہے جبکہ سمارٹ کارڈ کی فیس 1600 روپے ہے۔