تینوں مسلح افواج کے کیڈٹس کا مشترکہ کارنامہ

ایبٹ آباد(اسلام ڈیجیٹل) پاکستان ملٹری اکیڈمی کاکول میں تینوں مسلح افواج کے کیڈٹس کی جوائنٹ ٹریننگ ہوئی، جوائنٹ ملٹری ٹریننگ 154 لانگ کورس کا سلیوٹنگ ٹیسٹ پی ایم اے میں منعقد ہوا۔ سلیوٹنگ ٹیسٹ میں 154ویں لانگ کورس، 37ویں ٹیکنیکل گریجویٹ کورس، 70ویں انٹیگریٹڈ کورس، اور 25ویں لیڈی کیڈٹ کورس کے کیڈٹس نے حصہ لیا۔ پہلی مشترکہ فوجی تربیت میں پاک فوج کے 485، پاک بحریہ کے 111 اور پاک فضائیہ کے 42 کیڈٹس شامل ہیں۔کیڈٹس پاکستان ملٹری اکیڈمی میں مشترکہ تربیتی ماڈیولز اور مشقوں میں حصہ لیں گے۔ سلیوٹنگ ٹیسٹ میں کمانڈنٹ پی ایم اے نے آرمی، نیوی اور ایئر فورس کے کیڈٹس سے خطاب کیا۔پاکستان ملٹری اکیڈمی میں بحریہ اور فضائیہ کے کیڈٹس کی شمولیت سے قیادت، عسکری حکمت عملی اور مشترکہ آپریشنز کے حوالے سے ایک جامع، کثیر خدماتی نقطہ نظر کو فروغ ملے گا۔مشترکہ تربیتی پروگرام مسلح افواج میں باہمی تعاون اور مشترکہ فوجی مہارت کی ترقی میں اہم سنگ میل ثابت ہوگا۔