مفتی تقی عثمانی کیلئے ایک اور شاندار عالمی اعزاز، اسلامی معاشیات و فنانس کے لیے گراں قدر علمی خدمات کا اعتراف، لندن میں منعقدہ تقریب کے دوران اعزاز سے نوازا گیا۔
عالمی سطح پر اسلامی فنانس کے فکری معمار، شریعہ کونسل AAOIFI کے چیئرمین اور صدر جامعہ دارالعلوم کراچی مفتی محمد تقی عثمانی صاحب کو لندن میں منعقدہ تقریب کے دوران اسلامی معاشیات اور فنانس کے لیے ان کی گراں قدر علمی خدمات کے اعتراف میں ایک اور شاندار اعزاز سے نوازا گیا ہے۔
اس پُر وقار تقریب کے دوران مفتی تقی عثمانی کا کلیدی خطاب اسلامی فنانس کے بنیادی اصولوں پر مبنی تھا، جس میں انہوں نے حقیقی پیداواری معاشی سرگرمیوں، دولت کی منصفانہ تقسیم اور اخلاقی بنیادوں پر استوار پائیدار معاشی نظام کی اہمیت کو بھرپور انداز میں اجاگر کیا۔
یہ عالمی سطح پر اسلامی معاشی نظام کی مقبولیت اور مفتی تقی عثمانی کی لازوال خدمات کا منہ بولتا ثبوت ہے۔
