کراچی: صدر مملکت آصف علی زرداری کو طبیعت خراب ہونے پر نواب شاہ سے کراچی منتقل کردیا گیا۔
ذرائع کے مطابق صدر مملکت کو کراچی کے نجی ہسپتال میں داخل کیا گیا ہے۔
ہسپتال ذرائع کے مطابق صدر آصف زرداری کو انفیکشن اور بخار کی وجہ سے ہسپتال میں داخل کیا گیا ہے اور صدرمملکت کے میڈیکل ٹیسٹ کیے گئے ہیں۔
ذرائع کا مزید بتانا ہے کہ صدرآصف علی زرداری کا علاج ان کے معالج ڈاکٹر عاصم حسین کی زیر نگرانی جاری ہے۔
وزیراعظم شہبازشریف نے صدرمملکت آصف زرداری سے ان کی خیریت دریافت کی، وزیراعظم نے کہا کہ پوری قوم کی دعائیں آپ کے ساتھ ہیں، اللہ آپ کو جلد صحت کاملہ عطاء فرمائے۔
گورنرسندھ کامران ٹیسوری نے بھی صدر مملکت آصف زرداری کے معالج ڈاکٹر عاصم کو ٹیلی فون کرکے صدر زرداری کی خیریت معلوم کی اور نیک خواہشات کا اظہار کیا۔
