اسلام آباد: وزیراعظم شہبازشریف نے امیر جماعت اسلامی سراج الحق کو ٹیلی فون کرکے انکے لیے نیک تمناؤں کا اظہار کیا۔
شہباز شریف نے سراج الحق سے گفتگو میں کہا کہ الحمدللہ کہ آپ خود کش حملے میں محفوظ رہے، دہشت گردی کی ہر قسم کے خاتمے کے لئے سب کو مل کر کام کرنا ہوگا۔
وزیراعظم نے سراج الحق کو یقین دہانی کرائی کہ خودکش حملے میں ملوث عناصر کو کیفر کردار تک پہنچائیں گے۔
وزیراعظم نے امیر جماعت اسلامی کے لئے نیک تمناﺅں اور خودکش حملے میں متاثرہ خاندانوں سے ہمدردی کا اظہار بھی کیا، امیرجماعت اسلامی سراج الحق نے نیک تمناﺅں کے اظہار اور فون کرنے پر وزیراعظم کا شکریہ ادا کیا۔
