پولیس کے خلاف 10 ہزار شکایات کوئی بڑی بات نہیں، آئی جی سندھ

دادو: سندھ کے انسپکٹر جنرل آف پولیس (آئی جی پی) امجد جاوید سلیمی کا کہنا ہے کہ 3 کروڑ کی آبادی میں پولیس کے خلاف 10 ہزار شکایات درج ہونا کوئی بڑی بات نہیں، نہ اس حوالے سے پریشان ہونے کی ضرورت ہے۔

ریورس منیجمنٹ سروس سسٹم کی افتتاحی تقریب سے خطاب کرتے ہوئے امجد جاوید سلیمی نے کہا کہ اس کے باوجود وہ شکایات کی تعداد کم کرنے اور لوگوں کو درپیش مشکلات دور کرنے کے لیے کوشش کر رہے ہیں۔

آئی جی پی سندھ کا کہنا تھا کہ اس قسم کی شکایات پر کام کرنا کوئی مشکل کام نہیں اور صوبے میں ریسورس منیجمنٹ سسٹم اسی لیے قائم کیا گیا ہے۔